டிஐஜி டாக்டர் கண்ணன் IPS அவர்களுக்கு வீர தீர செயலுக்கான முதல்வரின் விருது...

தமிழகத்தில் மிகப்பெரிய சதிச்செயலில் ஈடுபட திட்டமிட்டு பெங்களூருவில் தலைமறைவாக இருந்த அல் உம்மா தீவிரவாதி காஜாமொய்தீன் மற்றும்கூட்டாளிகள், கலியக்காவிளை சோதனைச்சாவடியில் வாகன சோதனையில் ஈடுபட்டிருந்த சப்-இன்ஸ்பெக்டர் வில்சனை துப்பாக்கியால் சுட்டுக்கொன்று தப்மி ஓடிய அப்துல்சமீம், தவுபிக் ஆகிய 2 தீவிரவாதிகளை கைது செய்தது உள்ளிட்ட வீர தீர செயலுக்கான 'முதல்வரின் விருது' மாநில உளவுத்துறை (உள்நாட்டு பாதுகாப்பு பிரிவு) டிஐஜி டாக்டர் கண்ணன், கியூ பிரிவு எஸ்பி மகேஷ், சிறப்பு புலனாய்வு பிரிவு எஸ்.பி. அரவிந்த் உள்ளிட்ட 5 அதிகாரிகளுக்கு வழங்கப்படும் என தமிழக அரசு அறிவித்துள்ளது..

இவர்களுக்கு விருதுடன் ரூ.5 லட்சத்துக்கான ரொக்கப்பரிசும் வழங்கப்படும். விருது பெறும் டிஐஜி கண்ணன் மத்திய உளவுத்துறையில் 7 ஆண்டுகள் சிறப்பாக பணியாற்றி கடந்த ஆண்டுதான் மாநில உளவுத்துறை உள்நாட்டு பாதுகாப்பு பிரிவு டிஐஜியாக நியமிக்கப்பட்டார். 2002-ம் ஆண்டு ஐபிஎஸ் தேர்வுபெற்று தமிழக அரசின் காவல்துறை  பணியில் சேர்ந்தார். இவர் புதிதாக ஆரம்பிக்கப்பட்ட கள்ளக்குறிச்சி மாவட்டத்தில் பிறந்தவர். கோவில்பட்டி உதவி எஸ்.பி, கிருஷ்ணகிரி மாவட்ட எஸ்.பி. உள்ளிட்ட பல பதவிகளை வகித்துள்ளார் என்பது குறிப்பிடத்தக்கது.